A keni menduar se si një natë pa gjumë mund të ndikojë në aftësitë tuaja vendimmarrëse? Një studim i publikuar rishtas u thellua në këtë pyetje, duke përdorur imazhe të trurit për të eksploruar se si një natë e vetme e privimit total të gjumit ndikon në vendimmarrje te të rriturit e shëndetshëm.
Në këtë studim të kontrolluar pesë ditor morrën pjesë pesëdhjetë e gjashtë individë. Studimi ishe i ndarë në dy faza: zgjim i qetë dhe privim total i gjumit. Ata iu nënshtruan skanimeve funksionale të MRI ndërsa angazhoheshin në një detyrë të modifikuar të rrezikut analog të balonit. Kjo detyrë përfshinte fryrjen e një tullumbaceje virtuale, duke rrezikuar që ajo ose të rritet më e madhe për një shpërblim më të madh ose të shpërthejë, duke çuar në humbjen e fitimeve.
Si rrjedhojë, studimi gjeti se gatishmëria e pjesëmarrësve për të marrë rreziqe nuk dallonte ndjeshëm midis zgjimit të qetë dhe gjendjes së privuar nga gjumi. Sidoqoftë, reagimet e trurit te ta ndryshuan dukshëm pas privimit të gjumit. Pjesëmarrësit që ishin të privuar nga gjumi treguan aktivitet të reduktuar nervor në rajone specifike të trurit të lidhura me përpunimin e rezultateve të vendimeve të tyre.
Më specifikisht, rajonet e trurit të përfshira në vendimmarrje, si korteksi anterior cingulat, insula dhe putameni, shfaqën aktivitet të zvogëluar gjatë privimit të gjumit kur përballeshin me humbje ose fitore. Kjo përgjigje e reduktuar nervore mund të shpjegojë pse humbja e gjumit duket se ndikon në aftësinë tonë për të përpunuar pasojat e zgjedhjeve tona.
Përveç kësaj, gjatë zgjimit të qetë, ekzistonte një korrelacion midis aktivizimit në insulë (një rajon i trurit i lidhur me vendimmarrjen) dhe tendencave të pjesëmarrësve për marrje të rrezikut. Megjithatë, kjo lidhje u zhduk pas privimit të gjumit. Kjo sugjeron që humbja e gjumit mund të ndërhyjë në marrëdhënien midis aktiviteteve të caktuara të trurit dhe prirjes sonë drejt marrjes së rrezikut.
Pra, në thelb, një natë pa gjumë mund të mos ju bëjë menjëherë një rrezikues më të madh, por mund të ngatërrojë aftësinë e trurit tuaj për të vlerësuar rezultatet e këtyre rreziqeve.
…
Referenca origjinale: Tianxin Mao, Zhuo Fang, Ya Chai, Yao Deng, Joy Rao, Peng Quan, Namni Goel, Mathias Basner, Bowen Guo, David F. Dinges, Jianghong Liu, John A. Detre, Hengyi Rao. Sleep deprivation attenuates neural responses to outcomes from risky decision‐making. Psychophysiology, 2023; DOI: 10.1111/psyp.14465
