Mary Whiton Calkins (1863-1930) lindi në Hartford, Connecticut më 30 mars 1863. Ajo u rrit në Buffalo, New York deri në moshën 17 vjeçare, kur familja e saj u zhvendos në Massachusetts. Calkins filloi studimet në Kolegjin Smith në vitin 1882 dhe u diplomua në vitin 1855 në fushën e Filozofisë.
Ajo vazhdoi studimet në Universitetin e Harvardit, ku përfundoi doktoraturën në filozofi në vitin 1894. Pavarësisht arritjeve të saja, Harvard refuzoi t’i jepte asaj diplomën vetëm për shkak se ajo ishte grua. Megjithatë, Kolegji Smith më vonë i dha asaj një diplomë nderi në njohje të ndikimit të saj të madh brenda fushës së Psikologjisë.
Ajo ishte një nga psikologet e para amerikane dhe ishte, gjithashtu, gruaja e parë presidente e Shoqatës Amerikane të Psikologjisë (ShAP). Ajo filloi karrierën e saj profesionale si profesoreshë e Filozofisë në Wellesley College, ku dha mësim për disa vite. Në vitin 1899, ajo filloi të studionte Psikologji si studente e William James dhe James Cattell në Columbia University. Më vonë, Calkins themeloi laboratorin e parë për Psikologji në Wellesley College, ku ajo kreu kërkime mbi tema nga më të ndryshmet me rëndësi qenësore të fushës së Psikologjisë.
Calkins theu pengesat për gratë në fushën e Psikologjisë. Ajo shkroi gjerësisht për pabarazinë me bazë gjinore, dhe bëri edhe një sërë kërkimesh mbi pasojat e saja. Si psikologe në një kohë kur grave u mohua e drejta e votës, ajo foli në disa konventa edhe për të drejtat e gruas, përfshirë këtu të drejtën e votës. Kështu, Calkins nuk u bë vetëm një zë i fuqishëm për avancim të shkencës, por edhe një nga zërat më të fuqishëm për avancim të gruas në shkencë e shoqëri.
Autore: Anduena Kelmendi
