Departamenti i Psikologjisë në Universitetin e Prishtinës po ofron një seri punëtorish inovative online që synojnë të mbështesin studentët në rritjen e shkathtësive të tyre të të mësuarit, menaxhimin e ankthit dhe menaxhimin e emocioneve. Këto seminare do të zhvillohen nga psikologë me përvojë dhe janë krijuar për të ruajtur konfidencialitetin e plotë për të gjithë pjesëmarrësit.
Këto seminare, të hapura për të gjithë studentët Bachelor dhe Master të Universitetit të Prishtinës, janë pjesë e Programeve Mbështetëse të Studentëve të organizuara nga Departamenti i Psikologjisë dhe synojnë të ofrojnë shkathtësi thelbësore dhe mbështetje emocionale për studentët.
Sidoqoftë, studentët e interesuar duhet të veprojnë shpejt, pasi që afati i aplikimit është 8 qershor 2024 dhe hapësirat janë të kufizuara.
Për më shumë informacion dhe për t’u regjistruar në këto punëtori, studentët ftohen të klikojnë këtu.
